नेपालगन्ज । नेपाल पत्रकार महासंघ बाँके शाखाले पत्रकारहरूलाई नैतिक, जिम्मेवार र मर्यादित पत्रकारिता गर्न आह्वान गरेको छ । महासंघले मनोमानी र अभद्र गतिविधिहरू प्रति गम्भीर चिन्ता व्यक्त गर्दै नैतिक, जिम्मेवार र मर्यादित पत्रकारिता गर्न बाँकेका पत्रकारहरूलाई सचेत गराएको हो ।
कात्तिक १६ गते आइतबार नेपाल पत्रकार महासंघ बाँकेका अध्यक्ष नवीन गिरीको अध्यक्षतामा बसेको बैठकको निर्णय अनुसार पछिल्लो समय पत्रकारिताको सिद्धान्त विपरीत भइरहेका मनोमानी र अभद्र गतिविधिहरू प्रति गम्भीर चिन्ता व्यक्त गर्दै मर्यादित पत्रकारिता गर्न सचेत गराएका हुन ।
नेपाल पत्रकार महासंघ बाँकेका सचिव कृष्णा ओलीले सोमबार एक सूचना जारी गरेर पछिल्लो समय पत्रकारिताको सिद्धान्त विपरीत भइरहेका मनोमानी र अभद्र गतिविधिहरू प्रति गम्भीर चिन्ता व्यक्त गर्दै मर्यादित पत्रकारिता गर्न सचेत गराइएकको छ ।
महासंघले पत्रकारिता आचारहिताको उल्लङ्घन हुने गरी भइरहेका कार्यहरू रोक्न क्रियाशील पत्रकार तथा सबै सदस्यहरूलाई सचेत गराउँदै सामाजिक सञ्जालको विवेकपूर्ण प्रयोग गर्न समेत सबै पत्रकारलाई आह्वान गरेको सूचनामा उल्लेख छ ।
कात्तिक १६ गते महासंघ बाँके शाखाको एभरेष्ट बैंक नेपालगञ्ज शाखामा रहेको मौज्दात रकम दुई वर्षका लागि मुद्दती निक्षेपमा राख्ने निर्णय गरेको सुचना मार्फत जनाएको छ ।
